சூர்யாவின் 'விஸ்வநாத் அண்ட் சன்ஸ்' ஓடிடி தொழில்நுட்பக் கோளாறு சரி செய்யப்பட்டது!
வெங்கி அட்லூரி இயக்கத்தில் சூர்யா நடித்து, உலகளவில் 260 கோடிக்கும் அதிகமாக வசூல் செய்து இந்த ஆண்டின் சூர்யாவின் இரண்டாவது சூப்பர் ஹிட் திரைப்படமாக உருவெடுத்துள்ளது விஸ்வநாத் அண்ட் சன்ஸ். இப்படம் சமீபத்தில் நெட்பிளிக்ஸில் வெளியானது.
இருப்பினும், இதன் ஓடிடி வெளியீட்டின்போது ஆரம்பத்தில் சில தொழில்நுட்பக் கோளாறுகள் காணப்பட்டன. குறிப்பாக ஒரு காட்சியில் லேயரிங் பிரச்னை மற்றும் டைட்டில் கார்டில் சிங்கம் படக் குறிப்பு விடுபட்டு வெறும் காலியான பக்கமாக தோன்றியது. இந்த தவறுகளைப் பார்த்த பார்வையாளர்கள் அதிருப்தியை வெளிப்படுத்தினர். ரசிகர்கள் சமூக வலைதளங்களில் நெட்பிளிக்ஸ் மற்றும் தயாரிப்பாளர்களிடம் இது குறித்து கேள்வி எழுப்பினர். இந்நிலையில் தற்போது அந்தப் பிரச்சனைகள் சரிசெய்யப்பட்டு, ஓடிடி பதிப்பு சீராகக் கிடைக்கிறது.
இப்படத்தில் மமிதா பைஜூ கதாநாயகியாக நடிக்க, ராதிகா சரத்குமார், ரவீனா டாண்டன், நாசர், ராஜீவ் மேனன், சுதா, சுனில் ரெட்டி, ஹர்ஷா செமுடு மற்றும் பலர் முக்கியக் கதாபாத்திரங்களில் நடித்துள்ளனர். ஜி.வி.பிரகாஷ் குமார் இசையமைத்துள்ளார்.