கரூர் :தமிழ்நாடு அரசு ஊழியர் சங்கம், கரூர் வட்ட கிளை-2 சார்பில், கலெக்டர் அலுவலகம் முன், நேற்று மாலை ஆர்ப்பாட்டம் நடந்தது. அதில், தமிழக அரசு துறைகளில் உள்ள காலி பணியிடங்களை உடனடியாக நிரப்ப வேண்டும்; புதிய ஓய்வூதிய திட்டத்தை ரத்து செய்துவிட்டு, பழைய ஓய்வூதிய திட்டத்தை மீண்டும் அமல்படுத்த வேண்டும்;

தி.மு.க., அரசு தேர்தல் கால வாக்குறுதிகளை நிறைவேற்ற வேண்டும் உள்ளிட்ட பல்வேறு கோரிக்கைகள் வலியுறுத்தப்பட்டன. மாவட்ட அரசு ஊழியர் சங்க தலைவர் அன்பழகன், செயலாளர் பொன் ஜெயராம் உள்பட பலர் பங்கேற்றனர்.