சரிதாவை பார்க்க சுந்தர்.சி மகளின் படப்பிடிப்பு தளத்திற்கு விசிட் அடித்த சுசித்ரா மோகன்லால்

நட்சத்திர தம்பதியான சுந்தர்.சி - குஷ்புவின் மகள் அவந்திகா தற்போது மலையாளத்தில் உருவாகி வரும் ஆரம்பம் என்கிற படத்தின் மூலம் கதாநாயகியாக அறிமுகமாகிறார். சுஜேஷ் ஆனி ஈப்பன் என்பவர் இயக்குகிறார். கதாநாயகியை மையப்படுத்தி உருவாகும் இதில் சரிதா முக்கிய கதாபாத்திரம் ஒன்றில் நடிக்கிறார். ஏற்கனவே இந்த படத்தின் படப்பிடிப்பு குன்னங்குளம், சாவக்காடு மற்றும் கொல்லங்கோடு ஆகிய பகுதிகளில் நடைபெற்று முடிந்த நிலையில் தற்போது திருச்சூரில் நடைபெற்று வருகிறது.

இந்த நிலையில் மோகன்லாலின் மனைவி சுசித்ரா இந்த ஆரம்பம் படப்பிடிப்பு தளத்திற்கு சர்ப்ரைஸ் விசிட் அடித்துள்ளார். அதற்கு காரணம் சுசித்ராவின் நெருங்கிய தோழியான நடிகை சரிதாவை சந்திப்பதற்காக தான் இந்த படப்பிடிப்பிற்கு அவர் வருகை தந்துள்ளார். அது மட்டுமல்ல இந்த படத்தை இயக்கும் சுஜேஷ் ஆனி ஈப்பன் கூட நீண்ட நாட்கள் சுசித்ராவுடன் நட்பில் இருப்பவர் தான். மேலும் கதாநாயகி அவந்திகாவுக்கும் தனது வாழ்த்துக்களை தெரிவித்தார் சுசித்ரா மோகன்லால்.