ஜூலை மாதத்தை குறிவைக்கும் மகுடம்

சூப்பர் குட் பிலிம்ஸ் நிறுவனத்தின் 99வது படமாக 'மகுடம்' உருவாகிறது. இதை நடிகர் விஷால் இயக்கி, கதாநாயகனாக நடித்து வருகிறார். கதாநாயகியாக துஷாரா விஜயன் நடிக்கிறார். மேலும் அஞ்சலி, யோகி பாபு ஆகியோர் முக்கிய கதாபாத்திரங்களில் நடிக்கின்றனர். ஜி.வி. பிரகாஷ் இசையமைக்கிறார். அதிரடி ஆக் ஷன் படமாக உருவாகிறது.

சமீபத்தில் மகுடம் படத்தின் டீசர் வெளியாகி வரவேற்பைப் பெற்றது. இந்த நிலையில் மகுடம் படத்தை அடுத்த மாதம் ஜூலை மூன்றாம் வாரத்தில் திரைக்கு கொண்டு வர வேண்டிய திட்டத்தில் விரைவாக பணிகளை மேற்கொண்டு வருவதாக தகவல் கூறப்படுகிறது. முன்னதாக இந்த படத்தை ஈட்டி பட புகழ் ரவி அரசு இயக்கினார். இவருக்கும், விஷாலுக்கும் கருத்து வேறுபாடு ஏற்பட ரவி அரசு விலகி கொள்ள விஷால் இயக்கம் பொறுப்பை ஏற்றார்.