மகனை அறிமுகப்படுத்தும் தனுஷ்
ADDED : 7 hours ago
நடிகர் தனுஷ் தமிழ், தெலுங்கு, ஹிந்தி ஆகிய மொழி படங்களில் நடித்து பிஸியான நடிகராக வலம் வருகிறார். அவருக்கு யாத்ரா, லிங்கா என இரு மகன்கள் உள்ளனர். சமீபகாலமாக தனுஷ் தனது மூத்த மகன் யாத்ராவை கதாநாயகனாக அறிமுகப்படுத்த திட்டமிட்டுள்ளார் என்கிற தகவல் பரவி வருகிறது.
இந்த நிலையில் யாத்ரா கடந்த சில வருடங்களாக நடிப்பு மற்றும் நடன பயிற்சியில் உள்ளதாக கூறப்படுகிறது. விரைவில் யாத்ராவை வைத்து தனுஷ் ஒரு டெஸ்ட் ஷூட் நடத்தவுள்ளார். யாத்ராவை அறிமுகமாகும் படத்தை தனுஷ் இயக்கவுள்ளாராம். இது பழைய ரஜினி பட பாணியில் மாஸ், எண்டர்டெயின்மெண்ட் படமாக உருவாகும் என்கிறார்கள். இதன் படப்பிடிப்பை இவ்வருட இறுதி அல்லது 2027ம் ஆண்டில் துவங்கும் என கூறப்படுகிறது.
தனுஷின் 55வது படத்தை தயாரித்து வரும் ஆர்.டேக் ஸ்டுடியோஸ் நிறுவனம் தான் இந்த படத்தையும் தயாரிக்கவுள்ளனர். இதற்கு ஜி.வி. பிரகாஷ் இசையமைக்கிறார் மற்றும் வேல்ராஜ் ஒளிப்பதிவு செய்கிறார் என கூடுதல் தகவல்கள் கிடைத்துள்ளது.