முந்தய வார ராசிபலன்
வார பலன் (27.6.2025 - 3.7.2025)
கன்னி: திருவள்ளூர் வீரராகவ பெருமாளை வழிபட நன்மை உண்டாகும்.
உத்திரம் 2,3,4: ஜீவன ஸ்தானத்தில் சூரியன் சஞ்சரிப்பதால் இதுவரை இருந்த நெருக்கடி விலகும். வியாபாரம் தொழில் முன்னேற்றம் அடையும். புதிய முயற்சி வெற்றியாகும். வேலைத்தேடி வந்தவர்களுக்கு எதிர்பார்த்த தகவல் வரும். நினைத்த வேலை நடக்கும். வருமானம் அதிகரிக்கும்.
அஸ்தம்: சத்ரு ஜெய ஸ்தானத்தில் சனியும் ராகுவும் சஞ்சரிப்பதால் உடல்நிலையில் ஏற்பட்ட பாதிப்பு விலகும். தொழிலில் ஏற்பட்ட நெருக்கடி, தொல்லை இருந்த இடம் தெரியாமல் போகும். புதன் பகவான் சாதகமாக இருப்பதால் பணப்புழக்கம் அதிகரிக்கும்.
சித்திரை 1,2: செவ்வாய், கேது விரய செலவுகளை அதிகரித்தாலும் லாப சூரியனால் திட்டமிட்டிருந்த வேலைகளை நடத்தி முடிப்பீர்கள். பத்தாமிட குரு அஸ்தமனம் அடைந்திருப்பதால் வேலையில் ஏற்பட்ட நெருக்கடி நீங்கும். எதிர்பார்த்த பணம் வரும். புதிய முயற்சி வெற்றியாகும். 
